Xızır Baba təqaüdünə müraciət müddəti 23 fevrala kimi uzadıldı. Müraciət müddəti ilə bərabər təqaüd alması planlaşdırılan tələbə və abituriyentlərin sayı da minimum 40 nəfərə kimi artırıldı.
Təqaüd proqramı ailə vəziyyəti ağır, eyni zamanda çalışqan, təhsil almağa həvəsli abituriyent və tələbələr üçün nəzərdə tutulub. Proqram 2 seçim mərhələsindən ibarət olacaq: online müraciət və müsahibə mərhələsi.
Müraciət forması:
1. Tərcümeyi hal
2. Motivasiya məktubu
3. Şəxsiyyət vəsiqəsinin skanı
4. Şəkil
5. Akademik göstəriciləri bildirən məlumat (abituriyentlər illik qiymət cədvəli, təbələr smestr ballarının qiymət cədvəlini).
6. Şəhid/qazi övladları əlavə olaraq faktı təsdiq edən sənədi əlavə etmələri rica olunur.
Tələb olunan sənədləri info@xizirbaba.az mail ünvanına göndərməyiniz xahiş olunur.
Təqaüd məbləği aylıq 50 (və ya 100, himayəçi sayına görə) AZN, tələbə/abituryentlər üçün nəzərdə tutulub.
Ötən il 20 nəfərlə başladıq. Pandemiyaya qədər normal davam etdik.
Bu il də davam etmək istəyirik, əslində dərs ilinin əvvəli başlamaq haqqında elan verdik, amma müharibə və pandemiyanın şiddətlənməsi bizi ləngitdi.
Təqaüd verəcəyimiz tələbə və abituriyent sayı himayəçilərin verəcəyi ümumi məbləğdən asılı olacaq.
Layihənin daha da böyüməsi üçün himayəçi olmaq istəyənlər də kömək edə bilər. Siz bizə necə kömək edə bilərsiniz?
Təqaüd proqramı bir himayədar (dəstəkçi) üçün bu ilə özəl 4 aylıq olacaq. Yəni siz özünüzə uyğun 4 aylıq hər ay ödəyə biləcəyiniz bir məbləğ təyin edib bizə deyirsiniz. Hər ay sizin yatırdığınız bu məbləği biz digərləri ilə birləşdirib təqaüdçülərə çatdırırıq. Təqaüdçüləri seçmək üçün xüsusi nəzarət qrupumuz olsa da, siz də bizə bu işlərdə istəsəniz bizə qoşula bilərsiniz. Bundan əlavə bizə həm ehtiyaclı məktəbli/tələbələrin, həm də bu proqrama dəstək ola biləcək başqa insanların da tapılmasında yardımçı ola bilərsiniz.
Facebook: https://www.facebook.com/xizirbaba/
İnstagram: https://www.instagram.com/xizir_baba/
WhatsApp: https://wa.me/+994774502707
